قالك يا سيدي بن سيدي على ثورة قامت في هاكا البلاد الي كلاها الفقر وشعبها كلاه الذل وسرقوه الصحاح ايا يا بابا قامت الناس و ثارت وعملت عملة كبيرة طردت سي الملك الي عامل بعمايلوا وعايلتو المسخة اما الكارثة الكبيرة الي الناس الي حطت واحد من بطانة أخايانا السراق الي كانوا هوما السبب في طلوع اللك على ظهورنا و الي مازالوا هوما هوما ايا كثر اللغط و الحس في صف الشباب و قالك هات نعاودوا الكرة لكن موش كل مرة تسلم الجرة و ها المرة الي خذلهم موش كان هاكا الي يسماو الأحزاب و انما الحكاية ادهى و أمر الي خدلهم المرة هاذي هاكا الي كان يسمى الشعب.
شي لا تفهموا لا يحزن لايبكي الحاصل شي يكوخر يا لوخرامان رانا هبلنا اندرا احنا في ثورة ولا نتمنيكوا.
ياولادي راهي ثورة قامت على الفقر و الجوع موش باش نديروا ميات حزب و ميات جريدة وعشرات التلافز انما قامت باش ناكلوا ونحبوا ونعيشوا كيما الناس.
ياخي هربوا بينا الصحاح وخلونا في الأرجي.
ايا يا سيدي روح واحد من هاكا الاولاد الي يسماو شباب كان صح الحديث عرضتوا أمو مفجوعة من المنظر الي شا فاتوا فيه سألتوا يا وليدي شبيك موش ديما فرحان و تحكي على هاكا الي اسمها ثورة و تستنا فيها توا غندك سنين.
ضحك لوليد و عينيه معبية بالدموع و قاللها ثورة الهانة و رقود الجبانة..
برشة وديعة برشة ألم لكن ما لازمناش نفقدو الامل
RépondreSupprimer